ကျွန်တော့်ဘလော့မှ စကားဉီးနှင့် မြန်မာဘလော့ဂါများကို ကျေးဇူးတင်စကား

ဒီအကြောင်းကတော့ ကျွန်တော့်ကိုယ် ကျွန်တော်မိတ်ဆက်သော ပို့စ်တစ်ခု ဖြစ်သလို မြန်မာဘလော့ဂါ ညီ၊အစ်ကိုယ် မောင်နှမ များနှင့် ဘလော့ကိုလာလည်သော သူများကို ကျေးဇူးတင်စကား ဆိုသော ပို့စ်တစ်ခုပဲ ဖြစ်ပါတယ်။

ကျွန်တော့် အမည်က ကိုကိုဇော် ပဲ ဖြစ်ပါတယ်။ အဖ ဉီးအေးလွင်+ အမိ ဒေါ်စန်းကြူ တို့ ကျေးဇူးကြောင့် လူအဖြစ်နဲ့ မြန်မာပြည်မှာ ရှင်သန်ခွင့်ရပါတယ်။

ကျွန်တော်က ၂၀၁၀ မှာ BE( EC ) ဘွဲ့ကို တောင်ငူနည်းပညာ တက္ကသိုလ်ကနေရရှိအောင်မြင်ပြီး လက်ရှိမှာ အင်ဂျင်နီယာ အဖြစ်နဲ့ မြစ်ကြီးနားကို ရောက်နေပါတယ်။

ကျွန်တော်တို့ အလုပ်က ပေးထားသော Wifi Internet ကို အသုံးပြုပြီး ရှိတာလေးတွေ စုဆောင်းက ဝယ်ယူထားသော Acer Notebook တစ်လုံးကိုပဲ အသုံးပြုကာ သိတာလေးတွေကို အချိန်ရရင် ရသလို အခုဘလော့မှာ ပို့စ်လေးတွေ တင်ဖြစ်ပါတယ်။

ကျွန်တော့်ဘလော့မှာက Up to Date Software တွေကို ကျွန်တော့်ရဲ့ အားနည်းချက်ကြောင့်ပဲ မတင်နိုင်ခဲ့ပါဘူး။ ကျွန်တော် တင်နိုင်သလောက်ပဲ တင်ပေးရတာကို ခွင့်လွတ်ပေးကြပါခင်ဗျား။

နောက်တစ်ခုက ကျွန်တော်က မြန်မာယူနီကုဒ်ကို အသုံးပြုသူတစ်ယောက် ဖြစ်တာကြောင့် ဖောင့်ကိစ္စ ပြဿနာမတက်အောင်တော့ ကျွန်တော့်ဘလော့မှာ Font Embed Technice ကို အသုံးပြုထားပါတယ်။

မိတ်ဆွေက ဇော်ဂျီအသုံးပြုသူ ဖြစ်ပါက ဘလော့ကို လာရောက်ကြည့်ရှုသော အချိန်မှာ ဘာမှ ပြဿနာမရှိသော်လည်း ဘလော့မှ စာတွေကူးသော အခါမှာတော့ ကွန်ပျူတာမှာ မြန်မာယူနီကုဒ် တစ်ခုခုရှိမှသာ ဖတ်လို့ရမှာ ဖြစ်ပါတယ်။

နောက် ဖေ့ဘုတ်က သူငယ်ချင်းတွေကိုလည်း ဒီနေရာကပဲ တောင်းပန်ပါတယ်။ ကျွန်တော် မျှသော လင့်တွေက ဇော်ဂျီအသုံးပြုသူများအတွက် ဖေ့ဘုတ်မှာ စာလုံးပေါင်းမမှန်သော မြန်မာစာတွေကို မြင်ရမှာ မို့ပါ။

တစ်ခုခုများ လိုအပ်လို့ အကြံပေးချင်တာပဲ ဖြစ်ဖြစ် အကူညီတောင်းချင်တာများကို Email : powerlight02@gmail.com ကို ဆက်သွယ်က မေးမြန်းနိုင်သလို ဘလော့က CBox , Comment တို့မှာလည်း မက့်ဆေ့ချန်ထားလို့ရပါတယ်ခင်ဗျား။

တကယ်လို့များ ကျွန်တော်ဘလော့မှာ ပို့စ်အသစ်တွေ မတင်ဖြစ်တာများ၊ မေးခွန်းတွေ မဖြေဖြစ်လို့ရှိရင် တောရောက်နေသူ တစ်ယောက်မို့ ခွင့်လွတ်ပေးစေချင်ပါတယ်။



အပေါ်က အကြောင်းကတော့ ကျွန်တော့်ဘလော့အကြောင်းပေါ့နော်။ အခုက ကျွန်တော် ရဲ့ ဘလော့ဂါ ညီအစ်ကိုယ် မောင်နှမ ဘလော့တွေ အတွက်ပါ။

ကျွန်တော် အင်တာနက်ကို အသုံးပြုရင် အရင်ကတော့ မြန်မာဘလော့တွေ မကြည့်ဖြစ်ပါဘူး။ ( မြန်မာစာ မရေးတက်လို့ပါ )

အခုနောက်ပိုင်းမှ ကျွန်တော် ကြည့်ဖြစ်တာ များပါတယ်။

မြန်မာလို ရေးသားထားသော ဆိုဒ်တွေဆိုတော့ စာဖတ်ရတာ အတော်ကို အဆင်ပြေပြီး နည်းပညာ အသစ်တွေ ၊ ဆော့ဝဲလ်တွေ အကြောင်းကို မြန်မာလို တိတိကျကျ ဖတ်နိုင်တာပါပဲ။

အခုရက်ပိုင်းတွေမှာ ကျွန်တော်ကြည့်နေကျ Myanmar IT Helper , Aung Kyaw စသော ဘလော့တွေမှာ သူတို့တင်ထားသော ဆော့ဝဲလ်တွေ ဒေါင်းမလို့ လာဆဲသွားတယ်လို့ ရေးထားတာတွေရပြီး သူတို့တွေအတွက် ကျွန်တော် တကယ်စိတ်မကောင်းပါဘူး။

ကျွန်တော်ကတော့ အင်တာနက် အသုံးပြုတာလည်း လေး၊ ငါး နှစ်လောက်ရှိပါပြီ။ အရင်ကဆိုရင် ဆော့ဝဲလ်တစ်ခုခုကို များ အသုံးပြုချင်လို့ ဆိုဒ်တကာ လျှောက်သွား ၊ ဂူးဂယ်လ်မှာ ရှာ တစ်ခါတစ်လေးဆိုရင် အင်တာနက်ဆိုင်မှာ လေး၊ငါး နာရီသာ ကြာသွားတယ် ကိုယ်လိုချင်တာကို ဒေါင်းဖို့ လင့်ရှာမတွေ့ပါဘူး။

တစ်ချို့ ဆော့ဝဲလ်တွေဆိုရင် အတော်ကို ရှာရခက်ပါတယ်။ ခရက်ဆိုရင်လည်း ကိုယ်က ဖရီးရမယ်ဆိုပြီး ဒေါင်းမှ ဘာဖြည့်ရမယ် ပိုက်ဆံပေးရမယ်ဆိုတော့ နောက်တစ်ခါရှာ တစ်ခါတစ်လေဆို ဘာမှကို မရပဲ ဖတ်ဖတ်မောတာတွေလည်း မနည်းပါဘူး။

တကယ်က အင်တာနက်မှာ ဘာမဆိုရှာတက်ရင် ရတယ်ဆိုတာ ဟုတ်ပါတယ်။ မြန်မာဘလော့တွေကို အားမကိုးပဲ အင်္ဂလိပ်ဆိုဒ်တွေကို သွားပြီးတိုက်ရိုက်ရှာ ကြည့်ပါ။ ဆော့ဝဲလ်အကြောင်းကို ဘာသာပြန်ရတာ တစ်လုပ် ၊ နောက် ဒေါင်းမယ်ဆိုမှ ဘာလုပ်ရမယ် ညာလုပ်ရမယ် စတာတွေလည်း မနည်းမနော်ပါပဲ။ အင်တာနက်ကို စတင်ကာ အသုံးပြုသော သူများအတွက်တော့ စိန်ခေါ်မှု တစ်ခု ဖြစ်နေပါတယ်။

ကျွန်တော့် တွေ့ဖူးတာတော့ တစ်ချို့ဆိုရင် Download Buttom ကို တောင် မခွဲနိုင်တာမျိုးတွေ ရှိပါတယ်။

နောက်တစ်ခုက ဆော့ဝဲလ် ဖိုင်ဆိုဒ် အကြီးတွေကို တင်လိုက်တာနဲ့ ပက်သက်ပြီး မြို့နေလူတန်းစားကတော့ ထင်ပါလိမ့်မယ် ၊ အခွေဆိုင်မှာ ဝယ်ရင်ရတာကို ဆိုတာမျိုးပါ။

လူတိုင်းက မြို့မှာ နေတာဆိုရင်တော့ ဟုတ်တာပေါ့ဗျာ နော့် ။ ကျွန်တော် အခုဆိုရင် မြို့ဆိုတာ ဘာလဲဆိုတာ ပြန်မေးရမဲ့နေရာ ရောက်နေပါတယ်။ လိုချင်သော ဆော့ဝဲလ်အကောင်းလေးတွေဆိုရင် မြန်မာဘလော့တွေမှာပဲ ဒေါင်းရတာပါပဲ။

တစ်ခါတစ်လေမှာပေါ့ လင့်က သေသွားတာမျိုးပေါ့။ ကိုယ်က ကြိုက်သော ဆော့ဝဲလ် ဖြစ်နေပါက အခြားသော ဆိုဒ် တစ်ခုခုမှာ ရှာပြီး ဒေါင်းနိုင်တာပါပဲ။ နည်းနည်းပဲ အားစိုက်ရတာပါ။



ကျွန်တော်ကတော့ ဘာပဲ ပြောပြော မြန်မာဘလော့တွေကို လုံးဝကြိုက်ပါတယ်။ ကျေးဇူးလည်း တင်ပါတယ်။

အားသာချက်တွေက ဆော့ဝဲလ်တွေက လင့်သေတယ်၊ နောက်ဆုံးပေါ်မဖြစ်ဘူး၊ ဘလော့တစ်ခုနဲ့ တစ်ခု ပို့စ်ထပ်တယ်ပဲ ပြောပြော ကိုယ်က အချိန်မရလို့ ဆော့ဝဲလ်တွေ ဘယ်လောက်ကောင်းတာကို မြန်မာလို ဘာသာပြန်ထားတာကို ဖတ်ရတာနဲ့တင် အတော်ကို တန်နေပါတယ်။

နောက်မို့ဆိုရင် ကိုယ်ကလည်း အချိန်က သိပ်မရ ကွန်ပျူတာ ပြဿနာတစ်ခုကို အဖြေရှာဖို့ ဂူဂယ်လ်မှာ အင်္ဂလိပ်လိုရှာ နောက်ဘာသာ ပြန် အဲ့ဒါနဲ့တင်တိုင်ပတ်နေပါတယ်။

နောက် မြန်မာအချင်းချင်းဆိုတော့ တစ်ခါတစ်လေ ကိုယ်က အရမ်းကို လိုအပ်နေသော ဆော့ဝဲလ်၊ စာအုပ်၊ ပြဿနာတွေဆိုရင် မြန်မာလိုလေးရေးပြီး အကူညီတောင်းလို့ရတာလည်း အဆင်ပြေပါတယ်။



ကျွန်တော် အမြဲလိုလို ကြည့်ဖြစ်သော မြန်မာဘလော့တွေကို အောက်မှာ ဖော်ပြလိုက်ပါတယ်။ ဆော့ဝဲလ်တွေ၊ နည်းပညာတွေကို တင်ပေးသော ဘလော့တွေပဲ ဖြစ်ပါတယ်။


http://www.winkabarkyaw.net/ ( ကိုဝင်း ဘလော့ )

http://www.mmithelper.com/  ( ကိုအိုင်တီ ဘလော့ )

http://www.aungkyaw.net
http://www.aungkyaw.com  ( ကိုအောင်ကျော်ခိုင် ပုသိမ် ဘလော့ )

http://aungsanmks.blogspot.com/ ( ကိုအောင်အောင် ဘလော့ )

http://itmotesoeway.blogspot.com/ ( ကိုအိုင်တီမုဆိုး ဘလော့ )


ကျွန်တော်တော့ အင်တာနက် အသုံးပြုသော နေတိုင်း ကြည့်ဖြစ်သော ဘလော့တွေပဲ ဖြစ်ပါတယ်။

နောက်ဆုံးပေါ် နည်းပညာ၊ ဆော့ဝဲလ်တွေ အကြောင်း သိရတာပေါ့နော်။

နိုင်ငံခြား ဘလော့တွေလည်း ကြည့်ဖြစ်ပေးမဲ ဂူးဂယ်လ်အားကိုးနဲ့ပဲ ကြည့်တာများပါတယ်။ အမှတ်သိပ်မရှိပါဘူး။


**  ကိုကိုဇော် ( BE-EC )