Android Phone , Tablet တွေ Root ရခြင်းနှင့် သတိထားစရာ

အခုချိန်မှာတော့ စက်ရုပ်လေးတွေက လူအတော်များများရဲ့ လက်လေးအပေါ်မှာ ဆော့ကစားဖို့ ရောက်နေတဲ့ အချိန်လို့ ဆိုရမလို ဖြစ်နေပြီ။

စျေးနှုန်းကလည်း ကိုယ်အတွက် ရွေးစရာတွေ ရှိသလို သင့်တင့်သော စျေးနှုန်းနဲ့ ဝယ်ယူလို့ရသော အနေအထားမှာ ရှိနေတာ ဖြစ်တယ်။

အဲ့ဒီမှာ ကျွန်တော်တို့ သိလိုက်တာနဲ့ သိရတာကတော့ မြန်မာလိုတွေ စာရိုက်ရသော အနေအထားတစ်ခုပဲ ဖြစ်ပါတယ်။

Samsung , HTC မဟုတ်သော Phone , Tablet တွေမှာ မြန်မာစာတွေ ဖတ်ဖို့ မြန်မာလိုရိုက်နိုင်ဖို့အတွက် သာမာန်နည်းနဲ့ ပါဘူး။

Root Access ရှိမှသာ မြန်မာစာတွေ ရိုက်နိုင်တာကို တွေ့ရပါတယ်။

ဘာလို့လည်းဆိုတော့ စက်ရုပ်တွေက မြန်မာစာကို တိုက်ရိုက်မသိ ထောက်ခံချက်မရှိလို့ ဖြစ်ရသော ပြဿနာတစ်ခုပါပဲ။

ဒီနေရာမှာ Root ဆိုတာကို ကျွန်တော်တို့ နည်းနည်းလေ့လာရအောင်။

Root ဆိုတာကတော့ တကယ်တမ်းက စနစ်ပိုင်းဆိုင်ရာ ဖိုဒါရှိသော Stroage ကို ဆိုလိုတာပဲ ဖြစ်ပါတယ်။

ဝင်းဒိုးစ် စနစ်မှာဆိုရင် Root လို့ဆိုရင် Hard Disk C: ကိုသာ ဉပမာပေးရမှာ ဖြစ်ပါတယ်။

သာမာန်အားဖြင့် ကွန်ပျူတာ စနစ်တွေက သူတို့စနစ်ပိုင်းဆိုင်ရာ ဖိုင်တွေကို ပြုပြင်ပြောင်းလဲဖို့အတွက် ခွင့်ပြုချက်မပေးတက်ပါဘူး။

ဒါကြောင့်လည်း ကွန်ပျူတာ အသုံးပြုသူတိုင်း သိမှာက C:\Windows Folder က ဖိုင်တွေ ဖျက်လို့ရှိရင် ဖျက်လို့မရတာကို ကြုံရမှာပါ။

ကျွန်တော်တို့ သိရှိရသော စက်ရုပ်လေးတွေက တကယ်က Linux Based OS တစ်မျိုးပဲ ဖြစ်ပါတယ်။

Linux Based OS တွေမှာက သာမာန်အားဖြင့် စနစ်ပိုင်းဆိုင်ရာ ဖိုင်များကို လုံးဝပြုပြင်လို့မရတာမျိုးတွေ ရှိပါတယ်။

တကယ်လည်း လုံးဝကို မရသော အနေအထားမှာ ရှိပြီး လုံခြုံရေးအရ အတော်ကို ကောင်းမွန်သော ကွန်ပျူတာ စနစ်တစ်ခုပါပဲ။

ကျွန်တော်တို့ သိနေရသော စက်ရုပ်လေးတွေက စက်ရုပ်က ထုတ်လုပ်ကတည်းက သူ့စက်ကို ပျက်မှာ စိုးလို့ စနစ်ပိုင်းဆိုင်ရာ ဖိုင်တွေကို တစ်ခါတည်း ကာကွယ်ပြီး ဖွင့်လို့မရအောင် ပြုလုပ်ထားပါတယ်။


အခု ကျွန်တော် စက်ရုပ်တွေကို ဘာကြောင့် Root လုပ်ရတာလဲ ပြောပါမယ်။

စက်ရုပ်ကို ထုတ်လုပ်သူတွေက သူတို့ရဲ့ စနစ်ပိုင်းဆိုင်ရာ ဖိုင်တွေကို ပျက်ဆီးမသွားအောင် Flash ROM ထဲမှာ သိုလှောင်ကာ ထည့်သွင်းထားပါတယ်။

ဒါကြောင့်လည်း သူတို့ထုတ်လုပ်ထားသော စက်ရုပ်တွေက လုံခြုံမှုအပြည့်အဝ ရှိပြီး တော်ရုံနဲ့ ပျက်သွားတာမျိုးမဖြစ်ပဲ အာမခံသက်တမ်းတွေ ပေးထားတာ ဖြစ်ပါတယ်။

ရှင်းရှင်းပြောရရင် ကျွန်တော်တို့က စက်ရုပ်တွေကို ထိန်းချုပ်နိုင်တာမျိုး မရှိပဲ ထုတ်လုပ်သူတွေရဲ့ သဘောအတိုင်း အသုံးပြုရတာမျိုးပါ။

ကိုယ့်သဘောအတိုင်း မဖြစ်ဘူးပေါ့ဗျာ။

ဒီနေရာမှာ ကျွန်တော် ROM ဆိုတာကို နည်းနည်းပြောပါမယ်။

ကျွန်တော်တို့ အသုံးပြုသော မှတ်ညဏ်တွေမှာ Read , Write Access Memory ဆိုတာလေးရှိပါတယ်။ Read ဆိုတာတော့ ဖတ်ရုံပဲ ဖတ်နိုင်ပြီး သူ့ကို ပြောင်းလဲလို့မရပါဘူး။ Write ဆိုတာတော့ မှတ်ညဏ်မှာ တစ်ခုခုဝင်ရေးတာမျိုး ကူးယူ ဖျက်နိုင်တာမျိုးကို ဆိုလိုပါတယ်။

ကျွန်တော်တို့ အသုံးပြုနေသော Memory Stick , Hard Disk တွေဆိုရင် Read,Write Access ရှိသော မှတ်ညဏ်ဖြစ်ပါတယ်။ ကိုယ်လိုချင်တာကို ကူးယူ၊ ဖျက်နိုင်ပါတယ်။

CD/DVD Disc တွေဆိုရင်တော့ Read Access Memory ပေါ့ဗျာ။ တစ်ခါပဲ ဒေလ်တာတွေ ထည့်ထားလို့ရပြီး နောက်တစ်ခါထပ်ထည့်လို့ မရတော့ပါဘူး။ ဖတ်တာကိုပဲ ပြုလုပ်နိုင်မှာပါ။

အခုက စက်ရုပ်တွေက Flash ROM ဆိုတော စဉ်းစားစရာပေါ့ဗျာ။

Flash Memory ဆိုတာကို ပြောမှာ ရပါမယ်။ Flash Memory ဆိုတာက ကျွန်တော်တို့ အသုံးပြုမှုများသော Memory Stick တွေက Flash Memory ပါပဲ။

ဒီတော့ ကျွန်တော်တို့ Flash Memory ဆိုတာကို ဘာသာ ပြန်ရရင် သာမာန်အားဖြင့် သူ့ကို ဖျက်တာ၊ ထပ်ထည့်တာမျိုး မရပဲ အထူးပြုလုပ်ထားသော နည်းပညာနဲ့ပဲ သူ့ကို ဖွင့်နိုင်မယ်လို့ဆိုလိုပါတယ်။

ROM သက်သက်ဆိုရင် ကျွန်တော်တို့က သူ့မှာ ရှိသော ဒေလ်တာတွေကို ကြည့်နိုင် အသုံးပြုနိုင်တာမျိုးပဲ ရမှာပါ။ Flash နဲ့ ပေါင်းလိုက်လို့ ကျွန်တော်တို့ ဂိုဏ်သတ္တိနှစ်ခုပေါင်းထားသော မှတ်ညဏ်ကို တွေ့နေရတာပါ။

ROM ကို Firmware လို့လည်း ခေါ်ပါတယ်။ ထားပါတော့။

ဒီတော့ Flash ROM ကို ဝင်ကြည့်နိုင်ဖို့ဆိုတာ ကျွန်တော်တို့ နည်းပညာတစ်ခုခုကို အသုံးပြုမှသာ ရမှာပါ။

အခုလည်း စက်ရုပ်တွေကို Root ဖောက်တယ်ဆိုတာ Flash ROM ကို ဖောက်ထွင်းတာပဲ ဖြစ်ပါတယ်။ သူများက ပိတ်ထားတာကို ကျွန်တော်တို့က ဖျက်ပြီး ဝင်ရောက်ပြီး ကိုယ်လုပ်ချင်တာကို လုပ်တာမျိုးပါ။

ဒီလိုမျိုး ဖောက်ထွင်းတာမျိုးက ဘာတွေကောင်းလာလဲဆိုတော့ ကျွန်တော်တို့ လိုချင်သော စနစ်ပိုင်းဆိုင်ရာတွေကို ပြင်ဆင်နိုင်တာတွေရှိပြီး လုပ်ချင်တာတွေလည်း လုပ်နိုင်တာပေါ့ဗျာ။

နောက် စက်ရုပ်တွေမှာ မြန်မာစာ မပါတာကိုလည်း သူ့စနစ်မှာ ရှိသော ဖောင့်ဖိုဒါထဲကို ကျွန်တော်တို့ အသုံးပြုနေသော မြန်မာဖောင့်တွေကို ထည့်သွင်းတာမျိုးပါပဲ။

အရင်ကတော့ စက်ရုပ်ဖုန်းမှာပါသော ဖောင့်တစ်ခုနေရာကို ကျွန်တော်တို့ ဖောင့်နဲ့ အစားထိုးပါတယ်။ နောက်ပိုင်းနည်းလမ်းတွေကတော့ မြန်မာဖောင့်တွေကို တစ်ခြားသော နည်းလမ်းတစ်ခုကို အသုံးပြုကာ ထည့်သွင်းရသော နည်းပညာတွေရှိလာပါတယ်။

စနစ်ပိုင်းဆိုင်ရာတွေကို ဖောက်ထွင်းတာက မြန်မာဖောင့်ထည့်ရုံပဲလားဆိုတာတော့ မဟုတ်ဘူးဗျ။

စက်ရုပ်စနစ်ပိုင်းဆိုင်ရာတွေကို ပြုပြင်နိုင်သော ဆော့ဝဲလ်တွေ၊ နောက် ကျွမ်းကျင်သူတွေ အတွက်ဆိုရင် စနစ်ပိုင်းဆိုင်ရာ ပြင်ဆင်မှုတွေ ပြုလုပ်နိုင်တာမျိုးတွေ အတွက် အသုံးဝင်ပါတယ်။

ပြဿနာကတော့ နည်းနည်းတော့ရှိတယ်ဗျ။

စက်ရုပ်က စနစ်ကို ဖောက်လိုက်တောဆိုတော့ တကယ်လို့များပေါ့နော့် ကိုယ်က ကျွမ်းကျင်သော လူတစ်ယောက် မဟုတ်ဘူးဆိုရင် စက်ရုပ်စနစ်က အစိတ်အပိုင်းတွေ ပျက်ဆီးနိုင်သလို နောက်ဆုံး စက်ရုပ်က ဘာမှကို အလုပ်မလုပ်တာမျိုးအထိဖြစ်နိုင်ပါတယ်။


နောက်ဆုံးအနေနဲ့ ကျွန်တော် ပြောချင်တာကတော့ မိတ်ဆွေတို့ စက်က မြန်မာလိုရိုက်လို့ရတယ်ဆိုရင် အဲ့ဒါ Root Access ရှိသော စက်ပဲ ဖြစ်ဖို့ များပြီး သတိထားစရာက File Manager တွေနဲ့ ကိုယ့်စက်ကို ကြည့်သော အခါ စနစ်ကို ထိခိုက်နိုင်သော ဖိုင်တွေကိုပါ မြင်နေရပါတယ်။

အဲ့လိုမျိုး စနစ်ပိုင်းဆိုင်ရာ ဖိုင်တွေ ဖျက်လိုက်လို့ကလား တွေးကြည့်ပေါ့ဗျာ။

နောက် Root လိုက်သော စက်တွေဆိုရင် အာမခံက အော်တိုပျက်သွားတာမျိုးရှိပါတယ်။ ထုတ်လုပ်သူတွေက သူတို့ ခွင့်ပြုချက်အတိုင်း အသုံးပြုမှသာ အာမခံပေးတာဖြစ်ပြီး မဟုတ်ရင်တော့ မပေးပါဘူး။

ဒါကြောင့် စက်ရုပ်ကို အသုံးပြုသော သူတစ်ယောက်ဖြစ်ပါက ကိုယ့်စက်ကလည်း Root Access ရှိပါက မသိသော ဖိုင်တွေကို သတိထားပြီး အသုံးပြုပါလို့ ပြောချင်ပါတယ်။ ( ကျွမ်းကျင်သူများကို ဆိုလိုတာမဟုတ်ပါ )

ကျွမ်းကျင်သော သူတစ်ယောက်အတွက်တော့ စက်ရုပ်ကို ထိန်းချုပ်နိုင်ဖို့အတွက် Root လုပ်မှာ သေချာသလောက်ဖြစ်ပြီး စိတ်ကြိုက်သာ အသုံးချမှာ ဖြစ်ပါတယ်။

ရိုးရိုးအသုံးပြုသူများကတော့ မြန်မာစာရိုက်နိုင်ဖို့ စက်ရုပ်ကို ဖောက်ထားတာဆိုရင် ဖိုင်တွေကို သတိထားပြီး အသုံးပြုဖို့ မှားယွင်းစွာ မဖျက်ဖို့ လိုအပ်ပါတယ်။

သတိနဲ့ နေပေါ့နော် ။ နောက်မို့ဆိုရင် ဆိုင်ကိုပဲ ခဏခဏ သွားနေရမှာ သေချာသလောက် ဖြစ်နေပါတယ်။


**  ကိုကိုဇော် ( BE-EC )