Internet Download Manage အသုံးပြုနည်း ( အခြေခံ )

Internet Download Manager Software ကတော့ အင်တာနက်ကို အသုံးပြုသူ အတော်များကြီးကို သိသော ဆော့ဝဲလ်တစ်ခု ဖြစ်သလို အသုံးပြုလို့လည်း ကောင်းသော ဆော့ဝဲလ်ကောင်းတစ်ခုပဲ ဖြစ်ပါတယ်။

ကျွန်တော်လည်းပဲ အင်တာနက်မှ ဖိုင်များ ဒေါင်းလုပ်ခ်ချဖို့အတွက် သူ့ကိုပဲ အားထားက အသုံးပြုပါတယ်။

အခုကတော့ ကျွန်တော် IDM ကို အသုံးပြုမှုနည်းလမ်းလေး နည်းနည်းကို ရေးသားပါမယ်။

ဆော့ဝဲလ်က အသုံးပြုရတာ ကောင်းသော်လည်း တစ်ခါတစ်ရံမှာ သူများကွန်ပျူတာမှာ အဆင်ပြေသော်လည်း မိမိကွန်ပျူတာမှာ ပြဿနာတက်နေသော သူများအတွက် ရည်ရွယ်ပါတယ်။

ကျွန်တော်လည်း တစ်ခါတစ်လေ တိုင်ပတ်ဖူးလို့ ကျွန်တော် သိသော အကြောင်းများကို ပြန်လည်ရေးသားလိုက်ပါတယ်။



၁) Add On ကိစ္စ

IDM ကို ကွန်ပျူတာမှာ တပ်ဆင်လိုက်တာပြီးသွားတာနဲ့ IDM Add On တစ်ခုက Firefox မှာ အော်တို Install ပြုလုပ်ပါတယ်။ ဒါကတော့ ပုံမှန်ပါ။

အဲ့လို အော်တိုမလုပ်တော့ရင် ဘယ်လိုလုပ်ရမလဲ။

သိပ်တော့ မခက်ပါဘူး။

- ဖြစ်နိုင်ခြေကတော့ Browser > Add On မှာ ရှိပေမဲ့ Disable ဖြစ်နေတက်တာမျိုး ရှိတက်ပါတယ်။ အဲ့လိုမျိုးဆိုရင်တော့ Enable လေးကို ကလစ်လုပ်ပြီး Browser လေးကို Restart ချပေးလိုက်ရင် အိုကေပါတယ်။

- နောက်တစ်ခု ဖြစ်နိုင်တာကတော့ IDM Install ပြုလုပ်ပြီးတာနဲ့ ဆော့ဝဲလ်က ဘလောက်ဇာမှာ သူ့ Add On ကို Install ပြုလုပ်ဖို့ ကြိုးစားတာကို ကျွန်တော်တို့က မလုပ်လိုက်တာပဲ ဖြစ်ပါတယ်။
ဘယ်လိုမျိုးလည်းဆိုတော့ ဘလောက်ဇာကို ဖွင့်လိုက်တာနဲ့ IDM အမည်လေးနဲ့ Box တစ်ခုတက်လာပြီး Allow This Plug In Installation ဆိုပြီး တက်လာတာမျိုးကို ကျွန်တော်တို့က ပိတ်လိုက်ရင်လည်း ဘလောက်ဇာမှာ IDM လေးက ရှိမှာ မဟုတ်ပါဘူး။ ဒါပေမဲ့လဲ အဲ့လိုမျိုး ပြဿနာကို ဘလောက်ဇာကို ဖွင့်ပြီး Add On > Search မှာ IDM လို့ ရိုက်ထည့်ပြီး Manual ပြန်ပေါင်းထည့်ရင်လည်း အိုကေပါတယ်။

- နောက် တစ်ခု ဖြစ်နိုင်တာကတော့ IDM က မသိသော ဘလောက်ဇာတွေမှာ ဖြစ်တာမျိုးပါ။ ဉပမာ Wyzo , Mathron  လိုမျိုး ဘလောက်ဇာတွေဆိုရင် IDM က သူတို့ကို မသိလို့ အဲ့ဒီဘလောက်တွေမှာ ဒေါင်းလုပ်ခ်ဆွဲစရာ ရှိရင် IDM က မတက်လာတာမျိုးပါ။
ဖြေရှင်းနည်းကတော့ လွယ်ပါတယ်။
IDM ကို ဖွင့် >  အပေါ်ဆုံး Menu Bar က Download ကို ကလစ် > Options ကို ကလစ် > General Tab အောက်မှာ IDM က အဆင်ပြေသော ဘလောက်ဇာတွေကို ဖော်ပြပေးထားပါတယ်။

တကယ်လိုများ ကိုယ်အသုံးပြုသော ဘလောက်ဇာက အဲ့မှာမပါရင် ကိုယ်ဘာသာ ပေါင်းထည့်လို့ရပါတယ်။

အဲ့ဒီမှာ ဘလောက်ဇာတွေ အောက်က Add Browser  လေးကို သတိပြုမိမှာပါ။ သူ့ကို ကလစ်လုပ်ပါ။

Please locate the browser executable file on the nest dialog.  ဆိုသော စာတန်းနဲ့ ဘောက်စ် တစ်ခုတက်လာပါတယ်။ OK ကို သာ ကလစ်လုပ်ပါ။

အဲ့မှာ C:\Program Files  အောက်ကို ရောက်သွားပါတယ်။ ကိုယ် အသုံးပြုသော ဘလောက်ဇာ.exe  Files လေးကို ညွန်းပေးလိုက်ရင် ရပါတယ်။

ဉပမာ ကျွန်တော့် Wyzo  အတွတ်ဆိုရင် C:\Program Files\Wyzo\Wyzo.exe  လေးကို ညွန်းပေးပြီး Open လေးကို ကလစ်လုပ်လိုက်ရင် အိုကေပါတယ်။



၂) File Type ကိစ္စ

ဒီ ကီစ္စကလည်း အရေးပါပါတယ်။

ကျွန်တော်တို့ အသုံးပြုသော IDM က အင်တာနက်မှာ အသုံးပြုသော ဖိုင်ပေါင်းစုံကို ဒေါင်းလုပ်ခ်ချနိုင်တာ မှန်သော်လည်း သူ့မူရင် Setting မှာတော့ ဖိုင်အားလုံးကို ဖော်ပြထားတာ မဟုတ်တဲ့ အတွက် ဖိုင်တွေ အားလုံးကို IDM နဲ့ ဒေါင်းနိုင်တာ မဟုတ်ပဲ ဘလောက်ဇာ ဒေါင်းလုပ်ခ်နဲ့ တစ်ခါတစ်လေး ဒေါင်းလုပ်ခ်ချတက်တာမျိုးတွေကို အင်တာနက် အသုံးပြုသူများ သတိထားမိမှာပါ။

ဉပမာ *.apk ( Android Application ) , *.xml ( Blogger Template )  စသော ဖိုင်အမျိုးအစားတွေကို ဒေါင်းလုပ်ချရင် IDM က မတက်ပဲ မူရင် Browser Downloader နဲ့ Save As လုပ်ရတာမျိုးတွေ ရှိပါတယ်။

ဒါမျိုးကို ကျွန်တော်တို့ ကိုယ့်ဘာသာ ပြန်ပြင်ယူလို့ရပါတယ်။

နည်းလမ်းကတော့ IDM ကို ဖွင့် >  Download Buttom > Options > File Type မှာ IDM က ဒေါင်းလုပ်ချနိုင်သော ဖိုင်အမျိုးအစားများကို ဖော်ပြထားပါတယ်။ တကယ်လို့များ ကိုယ်ဒေါင်းလုပ်ချချင်သော ဖိုင်ကို မတွေ့ပါက ဉပမာ *.apk  ဆိုတာလေးကို ထည့်ချင်ပါက လွတ်တဲ့နေရာမှာ APK လို့ ရိုက်ထည့်လိုက်ရင် အဆင်ပြေပါတယ်။

ရိုက်ထည့်နည်းကတော့ အရှေ့မှာ 3GP MP4 MP3 စသည်တို့ ကြားထည့်ချင်ပါက 3GP APK MP4 MP3  အစရှိသလို ထည့်သွင်းနိုင်ပါတယ်။ File Extension တွေက စာလုံးအကြီးတွေ ဖြစ်ပြီး တစ်ခုနဲ့ တစ်ခုကြားမှာ Space တစ်ချက်ခြားပါတယ်။

အဲ့လိုမျိုးနည်းနဲ့ ကိုယ်လိုချင်သော ဖိုင်အမျိုးအစားကို ပေါင်းထည့်နိုင်သလို မလိုတာများလည်း ပြန်ဖြုတ်နိုင်ပါတယ်။


၃ ) Website Download

IDM ကို အသုံးပြုပြီး ကိုယ်ကြိုက်နှစ်သက်သော ဘလော့ဂ်ဆိုဒ်ကို ဒေါင်းလုပ်ချနိုင်ပါတယ်။

ပြုလုပ်နည်းကတော့ IDM  ကို ဖွင့် > အဲ့မှာ Grabber  ဆိုတာလေးကို တွေ့မှာပါ။ သူ့ကို ကလစ်လုပ်ပါ။ >  Project Name မှာ ကိုယ် ကြိုက်ရာအမည်ပေးပါ။  Site Address  မှာ ဒေါင်းလုပ်ချချင်သော ဆိုဒ်ကို ရိုက်ထည့်ပါ။ ဉပမာ ။ www.example.com နောက် Project Template  မှာတော့ ကိုယ်နှစ်သက်ရာ တစ်ခုခုကို လေ့လာပြီ ထည့်သွင်းပြီး Next ကို ကလစ်လုပ်လိုက်ရင် ဖိုင်တွေ သိမ်းဖို့နေရာတွေဆီကို ရောက်သွားပါမယ်ခင်ဗျား။


ကျွန်တော့်ဆိုဒ်မှာ IDM ကို တင်ပေးထားတာမရှိတာရယ် ၊ နောက် ကျွန်တော်လည်း အချိန်လေး သိပ်မရလို့ ဒီလောက်နဲ့ ပဲ ပို့စ်ကို ရပ်ထားပါမယ်။

နောက်မှ ကျွန်တော် ပုံများနှင့် တကွ အသေးစိတ်ရေးသားပေးပါမယ်ခင်ဗျား။


**  ကိုကိုဇော် ( BE - EC )