Y210S ( C8685 ) ကို Official Firmware ပြန်တင်မယ်

ကဲ့ ကျွန်တော်တို့ Huawei Y210S ( C8685 ) လေးကို Official ပြန်တင်ကြည့်ရအောင်။

တကယ်က ကျွန်တော့် သူငယ်ချင်း ဖုန်းက အရင်က ကောင်းပါတယ်။

ဘာတွေလုပ်လိုက်လဲတော့ မသိဘူးဗျ။ ဖုန်းက Logo မှာ ပဲ ရပ်နေပြီးတော့ ဘာမှ ဆက်မတက်တော့ဘူး။

ကျွန်တော် ပထမတော့ Factory Reset ချလိုက်မယ်ပေါ့။ ဒါနဲ့ ဖုန်းကို Recovery Mode ဝင်ပြီး လုပ်ကြည့်တာ Factory Reset လုပ်တာ အဆင်ပြေတော့ ကျွန်တော်အနေနဲ့ ဖုန်းတော့ ပြန်ကောင်းသွားပြီပေါ့။

ဘယ်ဟုတ်မလဲဗျ။ ဖုန်းက ပြန်တက်လာတော့ ဖုန်းက ရှိသမျှနေရာတွေ အားလုံးမှာ ဘာစာမှကို မပေါ်ပဲ ဖြစ်နေတယ်။ နောက်ပြီး ဘယ်လောက်မှ မကြာပါဘူး။ ပြန်ပြီး Restart အော်တိုကျသွားပြီး မူရင်းအတိုင်းပဲ Logo မှာပဲ ပြန်ရပ်နေပါတယ်။

ဒီလိုနဲ့ ကျွန်တော် Officail ပြန်တင်ဖို့ ကြိုးစားပါတယ်။

တကယ်က ကျွန်တော်လည်း မတင်တက်ပါဘူး။

ကျွန်တော်ဟိုမေး၊ ဒီမေး ဂူးဂယ်လ်မှာ လိုက်ရှာရင်းနဲ့ Official ပြန်တင်နိုင်မဲ့ နည်းလမ်းကို ရှာတွေ့ပါတယ်။ ဆိုဒ်ကတော့ ကျွန်တော်မမှတ်မိတော့ဘူး။ မြန်မာဆိုဒ်တစ်ခုပဲ။ MMSD တော့ မဟုတ်ဘူး။

ဘယ်လိုတင်ရမလဲဆိုတော့ Official Firmware ROM Files ( UPDATE.APP ) Files လေး လိုအပ်ပါတယ်။ နောက် 2 GB အနည်းဆုံးရှိသော SD Card တစ်ခုလိုပါတယ်။ SD Card ကို Format ချရပါတယ်။ FAT32 နဲ့ ချရင် ပိုပြီး အဆင်ပြေပါတယ်။ Official File ကတော့ ကျွန်တော့်ဆီမှာ အရင်ကတည်းက ရှိပါတယ်။ ကျွန်တော် ပဲခူးရောက်တုန်းက ဝယ်ထားတာပါ။ TOE Computer က ဝယ်ခဲ့တာပါ။

Official File က ZIP File နဲ့ လာပါတယ်။ သူ့ထဲ့မှာ dload folder လေးတစ်ခုရှိပါတယ်။ အဲ့ဒီဖိုဒါအောက်မှာ UPDATE.APP  ဖိုင်တစ်ခုရှိပါတယ်။ နောက် အဲ့ဒီ ZIP File လေးထဲ့မှာ တရုတ်စာနဲ့ ရေးထားသော PDF Files တစ်ခုပါပါတယ်။ Official File ပြန်တင်နည်းကို ရေးထားတာ ဖြစ်မယ်လို့ ထင်ပါတယ်။

ကျွန်တော် စစခြင်းတင်တုန်းကတော့ လုံးဝကို အဆင်မပြေပါဘူး။ တင်နည်း Vol-, Vol+ , Power ခလုပ်သုံးခု ပြိုင်နှိပ်ပြီး Official Upadate လုပ်တာ Unpacking Fail ပဲ ပြနေပါတယ်။

နောက် တစ်ရက်မှပဲ ရပါတယ်။ တကယ်က ကျွန်တော် အသုံးပြုသော SD Card က ကြောင်နေတာပါ။

ကဲ့ အဆင်ပြေသော Official တင်နည်းကို ပြောပါမယ်။


၁) Official Firmware လိုအပ်ပါတယ်။ မရှိပါက

Y210S(C8685,Android 2.3,V100R001C92B823) : Download
Y210S(C8685,Android 2.3,V100R001C92B824) : Download

မှာ သွားရောက် ဒေါင်းလုပ်ခ်ချနိုင်ပါတယ်။ လင့်ခ်တွေကတော့ ကျွန်တော် တင်ထားတာမဟုတ်ပါဘူး။ ကျွန်တော်ဆိုရင် လိုင်းကကောင်းတာနဲ့ကို တင်နိုင်မှာ မဟုတ်ပါဘူး။

http://junemoehtet.blogspot.com/   မှာ တွေ့မိလို့ ပြန်မျှပေးထားတာပါ။ တစ်ဖိုင်ပဲ ဒေါင်းဖို့ လိုအပ်ပါတယ်။ ကျွန်တော်ကတော့ အောက်က ဖိုင်လေးရှိပါတယ်။ သူ့ကိုပဲ အသုံးပြုတာ ရပါတယ်။

၂) Officla Firmware Zip File ကို Win RAR , Win Zip Software တစ်ခုခုကို အသုံးပြုပြီး ပြန်ဖြေထုတ်ပါ။

၃) အရေးကြီးဆုံးက အဲ့ဒီဖိုင်ထဲက dload ဆိုသော ဖိုလ်ဒါလေးပဲ ဖြစ်ပါတယ်။ အဲ့ဒီထဲ့မှာ UPDATE.APP File တစ်ခုထဲပဲ ရှိမှာ ဖြစ်ပြီး 160 MB ကျော်ကျော်ရှိပါတယ်။

၄) 2BG အနည်းဆုံးရှိသော SD Card တစ်ခုကို ကွန်ပျူတာမှာ Card Reader အကူနဲ့ ထိုးလိုက်ပါ။ My Computer > Card > Right Click > Format > File System မှာ FAT32 ရွေးပေးပြီး Format ရိုက်လိုက်ပါ။

၅) Official Firmware Zip File ထဲက dload folder လေးကို SD Card ထဲ ကူးထည့်ပါ။

၆) SD Card ထဲမှာ dload folder တစ်ခုထဲပဲ ရှိမှာ ဖြစ်ပြီး ၊ dload folder ထဲမှာ UPDATE.APP File တစ်ခုပဲ ရှိမှာ ဖြစ်ပါတယ်။

၇) ဖုန်းကိုတော့ ဘက်ထရီအား အနည်းဆုံး 80% ရှိအောင် အားသွင်းထားပါ။ Official ကျသွားပေမဲ့ အားတော့ သွင်းလို့ရပါတယ်။

၈) အကုန်လုံး ပြင်ဆင်ပြီးသွားရင်တော့ ဖုန်းဘက်ထရီးအား ၈၀ အနည်းဆုံးရှိသော ဖုန်းထဲကို SD Card လေးထည့်သွင်းပါ။

၉) နောက်ဆုံး အဆင့်အနေနဲ့ ဖုန်းကို ဘက်ထရီ ပြန်တပ်ပြီး ဖုန်းက Vol- , Vol+ , Power  ခလုပ်သုံးခု လုံး ပြိုင်နှိပ်ပါ။

၁၀) Official Update State 1/2 Unpacking ဆိုပြီး ပေါ်လာပါတယ်။ ဘာတန်းလေး အပြည့် State 2/2 ဆိုတာလေး ပေါ်လာရင်တော့ ဖုန်းက အော်တို Restart  ကျပြီး ပြန်တက်လာပါက ဖုန်းကို အကောင်းအတိုင်း မြင်ရမှာ ဖြစ်ပြီး Official ကို တင်တာ အဆင်ပြေပြီးလို့ ပြောလို့ရပါတယ်။

ကြားထဲမှာ Unpacking Fail ဖြစ်ရင်တော့ SD Card အကောင်းတစ်ခုကို လဲပြီး စမ်းပါလို့ ပြောချင်ပါတယ်။

ကျွန်တော် အဆင့် ၁၀ မှာ ပြောသော State ပုံစံတွေက အောက်က ပုံအတိုင်း ဖြစ်ပါတယ်။

Y210S ကို Root , မြန်မာစာ ထည့်သွင်းချင်ပါက ဒီလင့်မှာ  သွားကြည့်နိုင်ပါတယ်။

**  ကိုကိုဇော် ( BE-EC )